澄母- 維基百科，自由嘅百科全書

喺普通話嘅演變 澄母 出自維基百科，自由嘅百科全書 跳去導覽 跳去搵嘢 澄母（粵拼：cing4mou5；中古漢語拼音：dring）係中古漢語聲母，屬舌音中嘅知組，係全濁聲母。

呢個聲母接二、三等嘅韻母，同一、四等嘅定母互補。

下面係佢嘅例字。

一等 二等 三等 四等 橙dreng、櫂drauh、宅drak 馳drie，篆dryenx，滯dried，軸driuk 目錄 1擬音 2上古來源 3喺粵語嘅演變 4喺吳語嘅演變 5喺普通話嘅演變 6喺日文嘅演變 7喺韓文嘅演變 8喺越南文嘅演變 擬音[編輯] 對澄母嘅擬音分兩派，一派認爲佢係定母嘅顎化，擬爲/ȡ/，另一派認爲佢係定母嘅捲脷音，擬爲/ɖ/。

上古來源[編輯] 對上古音嘅研究有個定論係古無舌上音，舌上歸舌頭，亦即澄母係分化自定母嘅。

由於定一、四等同澄二、三等互補，係二、三等韻母嘅介音構成咗佢從定母分化嘅條件。

喺粵語嘅演變[編輯] 澄母喺粵語清化、塞擦化，平仄送氣狀況各片粵語唔同，喺廣府粵語，平聲送氣（c），仄聲唔送氣（z）。

對聲調嘅影響係，澄母字派入陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音： 長 宅 除 陳 趙 傳 茶 重 直 治 driang drak drio drin drieux dryen dra dryungx drik drih coeng4 zaak6 ceoi4 can4 ziu6 cyun4 caa4 zung6 zik6 zi6 調返轉頭，現代粵語中嘅c聲母來源自中古音嘅徹、澄、從、清、初、昌、邪、崇八母，z聲母源自中古音嘅知、澄、從、章、莊、精、俟、邪、崇九母。

對於可以區分平捲脷嘅粵語，澄母屬捲脷音，如吳川話，澄母發[t͡sʰ]（吳川話嘅全濁聲母清化後一律送氣）。

成個粵語，平捲分法係濟南型。

喺吳語嘅演變[編輯] 澄母喺吳語繼續係濁音，但擦化，對應嘅吳拼係z。

喺普通話嘅演變[編輯] 澄母喺普通話歸入捲脷音，清化後送氣狀況同廣府粵語一樣，平聲送氣，讀ch，仄聲唔送氣，讀zh。

唯有澤、擇字讀成平脷音，讀zé，不過擇字有白讀音，讀zhái，用喺「擇菜」呢個詞。

喺日文嘅演變[編輯] 喺日文，澄母同定母一樣，吳音讀だ行（[d]／[d͡ʒ]／[d͡z]），漢音讀た行（[t]／[t͡ʃ]／[t͡s]） 喺韓文嘅演變[編輯] 喺韓文，澄母二等同定母一等一樣，繼續係塞音，大多讀ㄷ，如茶讀다，少數送氣讀ㅌ，如濁讀탁；澄母三等同定母四等一樣，塞擦化，大多讀ㅈ，如直讀직，少數送氣讀ㅊ，如蟲讀충。

喺越南文嘅演變[編輯] 喺越南文，澄母清化，讀tr，派入陽聲調。

中古早期漢語（切韻音）聲母表中字母爲潘悟雲擬音嘅國際音標 全清 次清 全濁 次濁 全清 全濁 脣音 幫p 滂pʰ 並b 明m 舌音 端t 透tʰ 定d 泥n 知ʈ 徹ʈʰ 澄ɖ 娘ɳ 來l 齒音 精ts 清tsʰ 從dz 心s 邪z 莊tʂ 初tʂʰ 崇dʐ 生ʂ 俟ʐ 章tɕ 昌tɕʰ 常dʑ 日ȵ 書ɕ 船ʑ 牙音 見k 溪kʰ 羣g 疑ŋ 喉音 影ʔ 云ɦ以j 曉h 匣ɦ 由「https://zh-yue.wikipedia.org/w/index.php?title=澄母&oldid=1446051」收 屬於1類：中古漢語 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 中文文言 改拎