【武術01】奧運柔道：中國輸111分畀日本係咩事？ - 香港01

... 公斤16強比賽，日本選手海老沼匡對中國選手馬端斌，有人Cap咗呢個畫面。

... 所以，111嘅意思係有一個「有效」，一個「半勝」，一個「一本」。

港聞娛樂生活科技國際經濟觀點體育女生熱話中國好食玩飛社區藝文格物影像更多服務登入港聞社會新聞突發偵查政情深度香港經濟天氣娛樂即時娛樂電影眾樂迷生活健康教煮親子寵物職場好生活網購攻略科技實用教學數碼生活遊戲動漫國際即時國際環球趣聞國際分析世界專題經濟財經快訊宏觀解讀地產樓市專題人訪觀點社論01觀點周報體育即時體育跑步Jumper武備志女生知性女生穿搭筆記談情說性美容手帳熱話熱爆話題開罐研數所中國即時中國大國小事藝文中國中國觀察台灣新聞好食玩飛食玩買旅遊社區社區專題18區新聞隱形香港社區伙伴藝文格物一物形而藝文哲學第二身扭耳仔影像紀實動感影像熱話攝影界請先登入享受更多會員獨家優惠及功能！登入新聞總覽港聞娛樂生活科技國際經濟觀點體育女生熱話中國好食玩飛社區藝文格物影像其他服務訂閱《香港01》周報Sports【武術01】奧運柔道：中國輸111分畀日本係咩事？【武術01】奧運柔道：中國輸111分畀日本係咩事？其他SportsSports【武術01】奧運柔道：中國輸111分畀日本係咩事？撰文：斷水流大師兄出版：2016-08-0917:46更新：2016-08-1113:52唉，講慢咗就出事了係我錯，我應該一早講究竟柔道點計分？可以輸到111分咁大鑊？事緣喺男子柔道66公斤16強比賽，日本選手海老沼匡對中國選手馬端斌，有人Cap咗呢個畫面。

輸唔係問題，但大家一望左上角，111對0，作為睇開籃球同足球比賽嘅香港人，即時諗到中國被大炒。

有人見到即刻比我睇，問究竟點輸先可以輸成百分。

首先，唔係輸一百一十一分，柔道唔係一分一分計。

百位1解作一個「一本」，十位1解作一個「半勝」，個位1解作一個「有效」。

唔明？睇完就明。

一本柔道比賽目標，就係想攞「一本」（日文：「一本」、英文：ippon），因為攞到「一本」即贏。

攞「一本」有幾個方法，簡單講，又快又有力地摔到人背脊落地（快、有力、背脊落地三個元素）；壓制對手令佢郁唔到超過20秒；對方因為降服技拍蓆投降，都贏「一本」。

而計分方面，會寫100，即一個「一本」。

半勝「半勝」(日文：技あり 、英文：waza-ari)，又叫「半分」或「技有」。

兩個「半勝」就會計一個「一本」，即係兩個「半勝」就即贏。

摔到人但少咗「一本」嘅其中一個元素（例如又快又有力摔到對手但佢無背脊落地）；壓制對手令佢郁唔到超過15秒但又未夠20秒，就有「半勝」。

計分方面，會寫10，即一個「半勝」。

但唔會出現20，因為兩個「半勝」就即贏「一本」。

有效「有效」(日文：有効、英文：Yuko)，摔到人但少咗「一本」嘅其中兩個元素；壓制對手令佢郁唔到超過10秒但又未夠15秒，就有個「有效」。

要注意，幾多個「有效」都唔會變成「半勝」，即係你唔會因為有好多個「有效」而變成「一本」；另外，無論你有幾個多「有效」，人哋一個「半勝」都係贏你，即係佢一個「半勝」大晒你所有嘅「有效」。

計分方面，會寫1，即一個「有效」。

所以一個選手有11分，即係有一個「有效」同一個「半勝」；一個選手有101分，即係佢有一個「有效」，一個「一本」，亦即係代表佢已經贏咗。

所以，111嘅意思係有一個「有效」，一個「半勝」，一個「一本」。

s係咩意思？大家呢個時候應該睇得明個分點解，之但係個s係咩呢？s係指Shido，即係「指導」。

可以用小犯規嚟理解「指導」。

但係「指導」只會喺無分或者平分嘅時候先計。

同分時，「指導」多嘅選手輸比「指導」少嘅選手。

另外，如果自己有4個「指導」，對手就即贏。

好似以上情況，比利時選手有3個「指導」，哈薩克選手就無，雖然兩位都無分，但就會係哈薩克選手贏。

柔道入面有咩大犯規唔做得？大犯規一做就輸。

柔道比賽入面其實好多動作唔做得，講簡單嘅。

唔比拳打腳踢（大家都知）；關節技只可以打肘關節，其他關節唔得（即係大多都打十字固）；仲有禁招例如河津挂、蟹挟等等（易整親人整親自己）。

柔道決賽喺半夜，叫人點睇呀......係咁多！ 【編按：首圖來自樂高創作facebook。

】香港人不為中國運動員喝采？是抗拒中國式「體育國族主義」日本的體制，令我這種前運動員也能靠寫作養家為國拋頭顱灑熱血　籃球場上的德國坦克——奴域斯基【奧運足球】巴西有尼馬就一定掂？未必…【轉載】沒有澳門的奧運：澳門人與奧運的咫尺天涯（本文純屬作者意見，不代表香港01立場。

）柔道奧運里約奧運